Дэсертная запяканка з тварагу мае доўгую гісторыю, а яе шматлікія мясцовыя варыянты вядомы дзясяткам народаў амаль на ўсіх кантынентах. Ідэя запякаць тварог (ці блізкія да яго выгляды мяккага сыру) змяшанага з яйкамі, маслам, мукой, мёдам ці цукрам у пячы, каб атрымаць салодкі дэсерт – вельмі старая, вядомая яшчэ з антычнасці.

Рэцэпт гарадзенскага тварожнага пірага (сэрника), апісаны ў папулярнай у Польшчы кнізе айца Яна Грандэ (ордэн баніфратраў) «Рэцэпты ойца Грандэ для здаровага жыцця». Забыты даваенны гарадзенскі сэрнік, густ якога з бесклапотнага дзяцінства запомніўся айцу Яну, з дражджавога цеста з цвёрдай скарыначкай у адрозненне ад пясочнага цеста, якое пануе ў сучасных сырніках.

 

Гарадзенскі тварожны пірог (Гарадзенскі сэрнік)

Цеста:

• 25 г дрожджаў

• 300 г мукі вышэйшага гатунку

• 200 г масла

• 2 яйкі

• 1 лыжка цукру

• ванільны цукар

• соль

Прыгатаванне:

Зачыніць дрожджы на цёплай вадзе (2–3 лыжкі), дадаць цукар і 2 лыжкі мукі. Парэзаць масла з перасеенай мукой, дадаць яйкі. Вымешаць з ванільным цукрам і зачыненымі дрожджамі. Паставіць цеста ў лядоўню.

Тварог:

500 г творага размяць відэльцам і дадаць 2 жаўткі, ванільны цукар, разынкі. Усё перамяшаць.

Прыгатаванне:

Цеста выкласці пластом і выпякаць да залацістага колеру. Пасля яго трохі астудзіць і абмазаць яго верх бялком, накласці тварожную масу і зноў абмазаць бялком. Выпякаць да гатоўнасці (залацісты колер) пры тэмпературы 180 градусаў. Упрыгожыць.